A few days back, I found a poem draft written on a receipt. It's now on my fridge's door.

A Tagalog poem, which is unusual because I hardly write in Tagalog. I must've written this at least four years ago, but forgot about it. I found it tucked inside an old notebook while looking for something else.



Walang tulog ang breakwater...

Walang tulog ang breakwater
habang ang mga tao'y minamasdan
ang alon. Halos di maaninag,
humahalo sa kulay ng langit
sa madaling araw.

Kasama kitang naglalakad:
Ika'y nagsasalita habang
ako'y tatango, aayon maya't maya
nang wala namang naiintindihan.
Ang sabi mo, ilang ideya na
ang iyong naibigay -- mga ideyang
pwedeng maisulat bilang tula.

Kasama kitang naglalakad:
Nakatanaw sa ilaw ng parola
habang pinakikinggan ang hampas
ng alon, ang takbo ng sasakyan.
Nilalabanan ang antok na 'di mo alintana;
gising ang iyong diwa ngayong madaling-araw.

Hawak ko ang iyong kamay
at kasama kitang naglalakad.
Dalawa tayong isip sa magkaibang lugar;
magkasalo sa natitirang oras bago
sumikat ang araw.


---
Sometimes what you find are not the things you were looking for. But I'm glad I found this. I made some minor edits to a few lines and removed one line altogether; otherwise, the transcript is how the poem was written on the paper.